東洋美人 醇道一途 直汲み生 限定 純米吟釀

有關「東洋美人」呢個牌子傳言好多，其中最出名就係個澄川酒造藏主(社長) 同「十四代」藏主係大學同學，甚至有傳言「十四代」藏主將自己一款酒嘅配方送左俾澄川酒造藏主，助佢酒造復興工作。而復興後嘅澄川酒造，又真係出左好多好好飲嘅酒，而最重要係價錢好抵。
 
呢支係「 醇道一途」系列「直汲み生原酒 」，「直汲み」係一種釀造方法，係榨醪 (最後一榨酒工序) 後直接入樽，呢個做法令到酒會帶有微量氣泡，所以飲落甜得黎又清爽。